كل رحلة لازم لها بدايه
وأنا رحلتى بدأت من زمان
من وأنا طفلة صغيرة بتتفرج على الصور الملونة فى الكتب والمجلات
صور أماكن وأشخاص
شوارع ومبانى
أطفال وشيوخ
ناس من الشرق وناس من الغرب
كل صورة وراها واحد ... شاف الأماكن دى بعنيه من ورا عدسة مدورة
حلمت إنى أكون فى يوم من الأيام عدسة فى ايد مصور
ألقط لحظات ... ذكريات
وأرجع أحطها فى ألبومى
يمكن فى يوم من الأيام أقعد مع أولادى فى ليلة شتا نحكى حواديت
حواديت الأماكن والأشخاص
الشوارع والمبانى
* حواديت سائحة فى دنيا الله
مع الاعتذار عن استعارة الاسم من كتاب عبد الوهاب مطاوع*
No comments:
Post a Comment